۞ منتدى الشيخ اريوش الروحاني ۞
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتدى اريوش الروحاني
سنتشرف بتسجيلك
شكرا
ادارة المنتدي



ملتقى الشيوخ الروحانيين وطلاب العلم الروحاني
 
الرئيسيةاليوميةس .و .جالاكاديمية الروحانية خاص بطلاب الاكاديمية الروحانيةالتسجيلدخول

شاطر | 
 

 تجارب وحلول منزليه نستفدو منها جميع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العضوية الذهبيةالعضوية الذهبية
avatar
الدولة : المغرب ام الدنيا
عدد المساهمات : 863
نقاط : 8334
تاريخ التسجيل : 10/12/2010


مُساهمةموضوع: تجارب وحلول منزليه نستفدو منها جميع   الثلاثاء 05 أبريل 2011, 22:54

السلام عليكم و رحمة الله و بركاته


إنشاء الله تكون بألف خير وعافية


هذا المضوع جديد إسمه تجارب وحلول منزلية أتمنى من الله ومن إدارة
المنتدى أن تجعل لنا قسم خاص بتجارب المزلية ـ والأعمال اليدوية لكي
نفيد ونستفيد ـ وبالله توفيق ـ نبدأ على بركت الله



1السجادات ديال الصلاة منين نصبنوهم و ينشفو نحكو عليهم المسك و نطويوهم كتكون فيهم ديما ريحة زوينة
2منادل الضياف عوض سرابت الورق نديرو فوطات صغار حسب لون الطلامط و نفزكوهم بمازهر و نسخنوهم في الميكرووند (ايلا كان الجو بارد) و نعطيوهم للضياف يمسحو بيهم بين الوجبات
3لتنظيف الهاتف الثابت نغطسو شيتة اسنان في صابون تنظيف الاواني مخلط مع جافيل و نفضوها باش ماتبقاش فازكة و ننظفو بيها الهاتف و les touches ديالو ثم نعاودو بمنديل ناشف ماكيطلقش الخملة
4لتلميع الاواني الفضية دون مجهود نعمرو بانيو بالماء طايب و نديرو فيه ورق الالمنيوم و نغطسو فيه الاناء و نخليوه مرقد مدة نصف ساعة ثم نمسحوه
5 لازالة رائحة الشوا من المنزل او غيرها من الروائح نبخرو المكان بشوية ديال ازير
6 ايلا جبدنا الخبز من المجمد في اخر وقت باش يسخن دغيا نسخنو كوكوت مزيان ثم نطفيو النار و نديرو فيها الخبز و نسدو عليه شوية كيسخن بسرعة بدون حاجة للفران
[size=25]7 منين تكحال النقرة (الفضة) ندوزو عليها معجون الاسنان اي نوع و ناخدو اي حاجة مثل شيتة الاسنان نفزكوها و نبقاو نحكو بيها مع استعمال الماء مرة مرة و احنا كنحكو و يمكن نعاودو العملية حتى تبياض و تولي تلمع
8باش يخرج النحاس و يولي كيلمع نخلطو خميرة الحلوى مع شوية الماء و ندوزو الخليط على النحاس ثم نحكوه بالجيكس او اي حاجة كيخرج كيشعل و كيبقى مدة طويلة و منين ينشف مزيان نديرو شوية فازلين في زيف و ندوزو عليه باش يولي كيبري
[/size]
[size=25]9باش تبقى القطاني( مثل الفول و العدس و اللوبيا و الحمص)مزيانة مدة طويلة و ماتديرش السوسة نديروها في قراعي ديال الزاج و مع كل كيلو نديرو 3 او 4 ديال مزاود سودانية

10 نصيحة لازالة التونيا من الصوف
نرقدو الصوفة ليلة كاملة في بانيو فيه الماء مخلط مع مسحوق الة التصبين و في الغذ نشللوها شوية و نديروها تقطر في شبكة
نعمرو بانيو بالماء و نديرو فيه شوية الجير جهد طوبة و نلبسو القفازات و منين يدوب الجير نديرو الصوفة فالبانيو و نخليوها تبات مرقدة ليلة كاملة و في الغذ نزولوها من البانيو بلا مانشللوها و نخليوها تقطر
نخلطو الماء مع شوية الشبة مطحونة و نلبسو القفازات و نرقدو الصوفة مرة اخرى ليلة كاملة و في الغذ نديروها في شبكة و نخليوها تقطر من الماء بلا ما نشللوها ثم نسوسوها من الجير و الشبة و نديروها تنشف (مانحطوهاش فوق الارض نديروها فشي حفيرة او بلاصة مهزوزة على الارض باش تنشف مزيان)
و من بعد نديرو معاها كموسات فيهم سودانية و خزامى و قرنفل او نديرو فيها شوية قرنفل صحيح بوحدو
11 نصائح لاعادة استعمال الليبات les bas القدام
ناخدو الليبات اللي قدامو يكونو طوال و نقطعوهم من الوسط و نلبسوهم للكراطة (من الجهة اللي كنكرطو بيها) نديرو 3 او 4 ليبات و نعقدوهم من القنات بجوج و نشطبو بيهم الزربية الرومية كتزول الغبرة و الخملة تماما و كذلك نشطبو بيهم تحت السرير و الفوطويات و السدادر و الاماكن اللي ما كتوصلهاش اليد كتزول الغبرة بحالا درنا ليهم لاسبيراتور (نستعملوهم ناشفين بلا مانفزكوهم)

12 ناخدو ليبة و نديرو فيها قشور الليمون و الحامض ميبسين مزيان و مقطعين صغار باليد مع القرنفل و نديروها في البلاكار كتعطي ريحة زوينة
[/size][size=25]
13 قراعى الزجاج الى كان بهم وساخ او الكحولية من الداخل وما عدناش كيف نديرو نغسلوهم تنديرو 2 م الملحة الغليظة+ 2 م الخل الابيض تنحركوها مزيان
ونخليوها شوية راه كلشى تيزول
[/size]


14 كلنا تنمسحو صبابطنا بالسيراج ولكن الصنادل شوية معدبة والصاك والجاكيط والفوطويات ديال الجلد..

لان ريجتو مزعجة وكذلك توسخ و تنخافو حتى على اوليداتنا من استعماله وكذلك في السفر خاصك

تاخدي العلب ديال السيراج وفي عدة الوان على حسب الوان اصبيبطاتك و الشيتة والبونجة وشيتة

اخرى نقية باش تعاودي المسيح المهم شوية ممل في الاستعمال والحل ساهل ورخيص وممكن تمسحي

به كل ما هو مصنوع من الجلد وهو الفازلين وتمسحي به كل الالوان في آن واحد الازرق الابيض

الرمادي الاسود البني الاحمر ويكفي انك تاخدي الفازلين لي على شكل بوماد من الصيدلية وهو في

جعبة وتكون ديمة معاك في الصاك ديالك وتمسحي لي بغيتي ووقت ما بغيتي غير بزوييف ناشف

وبلا ريحة السيراج لي تتخنق.

وهكا تنزلي علبة الفازلين في دولاب او درج الاحذية بلا خوف على اطفالك من استعماله كسراج

ويكون قريب ليك وديمة على يديك وديمة صباطك وصندالتك وجاكيطة ....تيشعلو

15الحوايج طلقوا في بعضهم


الا تقاس ليك اللون الابيض
تاخدي شوية مسحوق الماكينة ديريه في كاسرونة تك
ون ديال انوكس باش (ماطلقش) ونديروهاديك الجهة اللي مقيوسة تبقى تغلى حتى تحيد راسها...او مين تحيديه ديريه في جافيل كيرجع كاينصع..

او بالنسبة للملابس اللملونة نفس الطريقة كتغليه..تشليه اوتنشريه.
عندك ديريه في جافيل

16 كيف تجعلين بيتك معطر.

كلما كانت رائحة المنزل جميلة زادتنا تلك الرائحة

شعورا بالراحة والنظافة

إليكم هذه الطريقة السهلة لتحقيق ما نتمنى :

إذا أطفأتِ الأنوار استعداداً للذهاب إلى النوم أو العمل

رشي الأنوار وهي غير مشتعلة و الموجودة في كل ركن بالمنزل بأي

رائحة تحبينها

وعند فتحها في أي وقت سوف تنتشر الرائحة في أرجاء المنزل

وذلك لانها ستتبخر بحرارة الإضاءة و تبقى لفترة من الوقت من

يومين إلى ثلاثة

لاترشوا الأنوار وهي مشتعلة حتى لا تنفجر

يتبع بإذن الله
















mn9oooooooooooool




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العضوية الذهبيةالعضوية الذهبية
الدولة : المانيا
الجنس : انثى
العقرب الكلب
عدد المساهمات : 411
نقاط : 7724
تاريخ التسجيل : 25/02/2011
العمر : 46


مُساهمةموضوع: رد: تجارب وحلول منزليه نستفدو منها جميع   الإثنين 11 أبريل 2011, 20:16

شكرا لك اختي على هذه النصائح ونتمنا المزيد بتوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العضوية الذهبيةالعضوية الذهبية
avatar
الدولة : المغرب ام الدنيا
عدد المساهمات : 863
نقاط : 8334
تاريخ التسجيل : 10/12/2010


مُساهمةموضوع: رد: تجارب وحلول منزليه نستفدو منها جميع   الخميس 28 أبريل 2011, 02:30

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العضوية الذهبيةالعضوية الذهبية
avatar
الدولة : المغرب ام الدنيا
الجنس : انثى
القوس القرد
عدد المساهمات : 1214
نقاط : 8316
تاريخ التسجيل : 22/04/2011
العمر : 60


مُساهمةموضوع: رد: تجارب وحلول منزليه نستفدو منها جميع   السبت 16 يوليو 2011, 08:50

تبارك الله عليك الحبيبه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العضوية الذهبيةالعضوية الذهبية
الدولة : المغرب ام الدنيا
الجنس : انثى
الجوزاء الفأر
عدد المساهمات : 555
نقاط : 7604
تاريخ التسجيل : 30/03/2011
العمر : 45


مُساهمةموضوع: رد: تجارب وحلول منزليه نستفدو منها جميع   الخميس 28 يوليو 2011, 00:49

الله يعطيك الصحة معلومات غزالة بحالك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روحاني فعالروحاني فعال
avatar
الدولة : المغرب ام الدنيا
الجنس : انثى
الحمل الديك
عدد المساهمات : 85
نقاط : 6976
تاريخ التسجيل : 15/06/2011
العمر : 24


مُساهمةموضوع: رد: تجارب وحلول منزليه نستفدو منها جميع   الثلاثاء 02 أغسطس 2011, 23:40

tbarklah 3lik akhti lay3tik sa7a
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

تجارب وحلول منزليه نستفدو منها جميع

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
۞ منتدى الشيخ اريوش الروحاني ۞ :: ۩۞۩ قسم الحياة السعيدة ۩۞۩ :: منتدى النصائح العامة-